Азаматтық қоғам – саяси үкіметке тәуелсіз жұмыс істейтін және оған ықпал жасауға қабілетті әлеуметтік қатынастар мен институттар жиынтығы. Нұр Отан партиясының төрағасы Н.Ә. Назарбаев Ұлт жоспары – бес институционалдық реформаны жүзеге асыру жөніндегі 100 нақты қадам жоспарында “Есеп беретін мемлекетті қалыптастыру” туралы айтып өткен. Соңғы кездері ашық басылымдарда талқыланатын тиімсіз шығындар туралы тақырыптар кеңінен орын алуда. Мұндай жағдайлар сарапшылардың айтуынша жергілікті жерлердегі жағдайды бақылай алатын, тиімді жұмыс істейтін азаматтық институттардың болмауы салдарынан орын алған.
Сондықтан, менің ұсынған бағдарламамның келесі тармағы жергілікті мемлекеттік органдардың атқаратын басқару үдерістерін, азаматтық қоғамның белсенділігін төмендегідей қадамдар арқылы жаңғырту болып табылады:
2.1. Қоғамдық кеңес құрамын жасақтау тәртібін жетілдіру және атқаратын қызметтерін кеңейту.
2.2. Азаматтық қоғам белсенділерінің құзыреттіліктерін жетілдіру.
2.3. Кері байланыс құралдарын (онлайн және офлайн петициялар, әлеуметтік сауалнамалар және т.б.) қолдану арқылы, өңірдің шешімдері мен мәселелерін талқылау үшін халықты кеңінен тарту.
2.4. Қоғамда болып жатқан процестерді тәуелсіз ұзақ мерзімді (3-5 жыл) бағалауды қамтамасыз ететін тұрақты үкіметтік емес ұйымдарды қолдау.
#Primaries2020 #Праймериз2020
#Мағандауысбер #Голосуйзаменя
