Атырау қаласының химия-биология бағытындағы НАЗАРБАЕВ ЗИЯТКЕРЛІК МЕКТЕБІНДЕ Тәуелсіздік күні қарсаңында, ҚАЗАҚТЫҢ 100 ӘНІ жобасы аясында гала-концерт ұйымдастырылды. Ән өнерінің биік шыңын көрсетіп, талғампаз тыңдарманның құлақ құрышын қандырған мектеп оқушылары жүректерді тебірентіп, көңілдерге қуаныш ұялатты. Туған жерге деген сүйіспеншілік пен Отанға деген құрмет есіліп тұрған әуендерді балалар жан тәнімен сезініп, сахнаның сәнін, әдемі әннің табиғатын жеткізе білді. ҚАЗАҚТЫҢ 100 ӘНІ жобасы НАЗАРБАЕВ ЗИЯТКЕРЛІК МЕКТЕБІ оқушыларына тыңдауға ұсынылған, рухани қазынамызға айналған алтын әуендердің тамаша жиынтығы.
