Na décima entrega de Aquí hai praia seguimos percorrendo a xeografía galega na busca das mellores praias da nosa comunidade. Hoxe estaremos en :
A Lanzada (Sanxenxo- O Grove) : Esta praia protexida por un entorno dunar e cunha lonxitude de 2,5 kilómetros é un doa areais máis coñecidos de toda a comunidade galega sendo visitada por centos de turistas durante todo o ano.
Ten todo tipo de servizos, conta coa distinción de bandeira azul e é moi apreciada por aquelas persoas que comezan a practicar o surf.
Patos (Nigrán): Cunha lonxitude de 500 metros, esta praia é unha das mellores de toda Galicia para a práctica do surf pola incidencia do océano nela.
Dende ela temos unha magnífica visión das Illas Cíes o que nos transporta a un paraíso de natureza coas comodidades de acceso que ofrece un areal semi-urbano coma este.
Aguieira (Porto do Son): Praia de contorna virxe e augas calmas na que poder gozar do pracer de perderse nas súas dunas.
Nela desembocan dous rios e chama a atención un illote próximo cunha impresionante casa. Que misterios agochará esta construción?
Francón (Cangas): Situada en Aldán, esta praia de 200 metros de lonxitude está situada nun entorno natural e conta coas comodidades que ofrece o cámping ao que podemos acceder dende o propio areal.
De augas tranquilas e ambiente familiar, é perfecta para gozar dun día esquecendo o mundanal ruído da cidade.
![](https://s2.save4k.ru/pic/aGLtikV45fA/maxresdefault.jpg)