Gürcüstan hökuməti koronavirusla mübarizədə verdiyi dəstəyə görə, Azərbaycana təşəkkür edir. Bu ölkədə COVİD-19-la əlaqədar yaradılan stopcov.ge saytında Azərbaycanın bu ölkədəki səfirliyinin təşkilatçılığı ilə keçirilən humanitar yardım kampaniyası barədə material yerləşdirilib. materialda Azərbaycanın Gürcüstandakı səfirliyinin təşkilatçılığı və bu ölkədəki Azərbaycanlı İş Adamları Birliyinə üzv olan təşkilatların maliyyə dəstəyi ilə aztəminatlı və xüsusi qayğıya ehtiyacı olan ailələrə göstərilən ərzaq yardımından bəhs olunur. Xatırladaq ki, Azərbaycanın Gürcüstandakı səfirliyi və burda fəaliyyət göstərən Azərbaycan şirkətləri soydaşlarımızın sıx yaşadığı Kvemo-Kartli – Borçalı, Kaxeti regionları, həmçinin Tbilisi və Rustavi şəhərləri üzrə min ailəyə ərzaq yardımı göstərəcək. Artıq ərzaq bağlamalarının paylanmasına başlanıb. Karantin rejiminin davam etdiyi Marneuli və Bolnisi rayonlarında isə yardımlar paylanılması üçün yerli rəhbərliyə təqdim olunub.
