şeir: Mədinə Əliyeva
səs: Xəzər Süleymanlı
piano: Vüsal Namazlı
video: Tural Hüseynov

Sən sənsizliklə baş-başa qoydun yenə də məni…
Zamansız gəldi ömrümə ayrılıq dəmi.
Bir an belə sənsiz yaşamağı düşünmədim mən.
Dolub xəyalın gözümə bu dünyanı görmürəm mən.

Ürəyimi qaçıb sənə gəlməsin deyə, köksümdə əsir tuturam.
Sənsiz xezan olan sevən qəlbimi xatirənlə ovuduram.
Dedilər, tez bitər qəlb ağrısı… heç bitmədi bir an da…
Dedilər, tez keçər qəlb yarası… heç keçmədi zamanla…

Bilirəm, indi bu sevginin düşməni sənsən.
Bu dünyada cəhənnəm də, cənnət də sənsən.
Səndən öncəsi bomboş, səndən sonrası yalan.
Səndən başqa yox həyat, səndən ibarət həyat.

Daha bəsdir bu qədər xəyalınla gəzdiyim
Daha bəsdir ömrümü yolunda hədər etdiyim
Aldığım hər nəfəsdə dərdin edir parça-parça
Mən çox yordum ruhumu, birazda sən yorma!

Mən sənsiz mizrabından ayrı düşən könül simi.
Sən isə mənim yolumdan ötən bir yadsan
Baxışınla alovlanan qəlbimin yazısan, baharısan
Yazdıqca hər kəlməsi çiçək açan misralarımsan!

Sən hər sevincimin, hər kədərimin tək səbəbisən
Heç kəsdə olmaz əlac, dərdimin çarəsisən
Bütün kövrək duyğularımın ünvanı sənsən
Qəlbimin ən gözəl ağrısı, nə yaxşıki varsan sən.

Facebook: [ Ссылка ]

İnstagram: [ Ссылка ]...

Tik-tok: [ Ссылка ]

Telegram: [ Ссылка ]

свернуть