නිහඬ අරණ
දළු මල් පුබුදයි ....
ආදරයේ සුන්දර
සක්මන් ....
හඬන ඇසට
හසරැල් පළඳයි....
ආදරයේ නිම් නැති
අභිමන් ...!
සයුරෙහි දිය කඳ
මත හිඳ ....
අහසින් එන වැහි බිඳුවට
පෙරුම් පුරන්නම් ....
දැල්වෙන ඉර හඳ යට හිද
පහණෙන් එන එළි තිතකට ....
ඇළුම් කරන්නම් ....
ඔබ තරුවක් සේ
ජීවිතයට පායා ඒ නම් ... !
නිල් කඳු හිස ජය ගත් දින
දෙව් ලොව දුර ඈතක බව
වටහා ගන්නම් ....
විල් දිය ඇහැරෙන
කොද මල
රතු ඇස් ඇති
හිරු මඩළින්
සඟවා ගන්නම් ....
ඔබ කවියක් සේ
ජීවිතයම පහදා දේ නම් .... !
ගායනය: රොහාන් ශාන්ත බුලේගොඩ
