Բաժանորդագրվեք մեզ՝ [ Ссылка ]
#բանակցություններ #5tv
Այսօր Թեհրանում տեղի կունենա 3+3՝ ավելի կոնկրետ՝ 3+2 ֆորմատով տարածաշրջանային խորհրդակցական հարթակի երկրորդ հանդիպումը: Վրաստանը կրկին հրաժարվել է մասնակցել: Իրան կգնան Հայաստանի, Թուրքիայի, Ադրբեջանի ու Ռուսաստանի գլխավոր դիվանագետները: Նրանք հաստատել են իրենց մասնակցությունը: Ադրբեջանական լրատվամիջոցները հայտնում են, որ տարածաշրջանային խնդիրներից բացի Հայաստանի ու Ադրբեջանի միջև խաղաղության բանակցություններն են լինելու օրակարգում: Թեհրանում նաև երկկողմ հանդիպումներ են նախատեսված, Հայաստանի արտգործնախարար Արարատ Միրզոյանը նույնպես երկկողմ հանդիպումներ կունենա, այս պահին հայտնի չէ՝ ում հետ: Քաղաքագետները չեն բացառում, որ «3+3»-ը կարող է դառնալ հայ-ադրբեջանական բանակցությունների այլընտրանքային հարթակ Թուրքիայի մասնկացությամբ: Այս ձևաչափով առաջին հանդիպումը 2021-ի դեկտեմբերի 10-ին Մոսկվայում է տեղի ունեցել՝ փոխարտգործնախարարների մակարդակով:
