БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]

Бүгінгі шығарылымда:
Елімізге танымал әнші Қайрат Нұртас ұшақта танысына жұдырық жұмсағаны үшін 15 тәулікке қамалды. Көпшіліктің көзінше жаға жыртысқан жігіттердің дауы тойға шақырудан басталған екен. Әуе кемесінде өзге жолаушылардың мазасын алып жанжалдасқан азаматтарды тәртіп сақшылары бірден бөлімшеге жеткізген. Бірақ көзден ұрып кінәлі болған өнер иесі сотта өзін жәбірленуші ретінде көрсеткісі келді. Танымал адамдар үшін ұшақта жанжал шығару трендке айналды ма? Сотты бақылаған әріптесім Бауыржан Жақсымбет толығырақ.
Танымал хит әндердің орындаушысы Қайрат Нұртас бүгін жақсы әнімен емес, жағымсыз әрекетімен көзге түсті. 4 маусым күні Алматыдан Астанаға бағыт алған ұшақта ұзақ жылдан бері дос болған екі азамат жаға ұстасып, бір-біріне жұдырық ала жүгірген. Сөздеріне сенсек, сотта жәбірленуші болып табылған Асылбек Бекқайыров есімді азамат бірнеше ай бұрын өнер иесінен тойға барып ән шырқауын өтініпті. Бірақ балағаттады деген жігіттің жауап алар сәті дәл осы әуе кемесінде келгендей. Алайда сотта Асылбек Бекқайыров та, өнер иесі Қайрат Нұртас та бұл жерде өздерін жәбірленуші ретінде көрсеткісі келді.
ҚАЙРАТ НҰРТАС, ӘНШІ:
– Мені самолеттің ішінде ұстап алады да басымен екі рет ұрып сен мені боқтап 14:16 Сөйтіп мен тұрамын да намысым бар тоже ұрамын. Одан кейін тыныш отырамын. Артымнан келіп тағы ұрады. Басқа мен ештеңе білмеймін. 08:06 Бұл жерде мен потерпевшиймін. Соны түсінбей тұрмын. Неге мені ұрды деп қойғаныңызды түсінбей тұрмын.
АСЫЛБЕК БЕКҚАЙЫРОВ, жәбірленуші:
– Бұл тағы боғауызбен қайтарады. Сол жерде екеуміз айқайласып жатқанда борт проводник келіп мені ұстайды. Борт проводник келіп ұстайды да алып бара жатқанда Қайрат мені ұрады.
Бұл оқиғаға байланысты тәртіп сақшылары екі бірдей істі қатар тіркеген. Бірі 73- баптың 1 бөлігі бойынша денсаулыққа қасақана жеңіл зиян келтіру болса, екіншісі 434-баптың 2 бөлігі ұсақ бұзақылық бойынша қаралды. Сот процесі кезінде жәбірленушінің өнер иесіне ешқандай өкпесі жоғын айтып істі тоқтатуын сұрады. Бірақ, бір жылда екінші рет дәл осындай заң бұзған Қайрат Нұртас жазадан оңай сытылып кете алмады.
ЛӘЗЗАТ ҚАСЫМЖАНОВА, ҚР ІІМ Көліктегі полиция департаментінің баспасөз хатшысы:
– Астана қаласының әкімшілік құқық бұзушылықтар жөніндегі мамандандырылған ауданаралық сотының шешімімен аталған азамат 15 тәулік мерзімге әкімшілік қамауға алынды. Бастапқыда аталған азаматқа қатысты әуе кемесінің бортында жасалған бұзақылық бойынша қылмыстық іс қозғалған болатын. Алайда тергеу нәтижелері бойынша қылмыстық құқық бұзушылық құрамының болмауына байланысты қылмыстық іс тоқтатылды.
Бұл әуе кемесінде танымал адамдардың қатысуымен болған алғашқы оқиға емес. Осыдан біраз уақыт бұрын шоумен Тұрсынбек Қабатов ұшаққа мас күйінде отырып бортсерікке балағат сөздер айтқаны үшін 5 тәулікке қамалған еді. Ал сот кезінде тойым бар деп айыппұлмен құтылуды көздеген Қайрат Нұртас енді 15 тәулік жазасын Шымкентте өтейтін болады.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

свернуть