Dr.Esmeralda Sera: “Nga vaksina ndaj kancerit të gjirit e deri te medikamentet e reja të imunoterapisë, ja risitë premtuese në onkologji për 2022-in”
Viti 2022 shënoi një rritje në rang global të pacientëve që vuajnë nga sëmundjet malinje, me 25% të tyre të diagnostikuara në Europë. Ndërkohë në Amerikë rreth 2 milionë persona u diagnostikuan me sëmundjen e rëndë, ndërsa 700 mijë të tjerë humbën jetën.
Por viti 2022 solli edhe disa risi mjaft të rëndësishme në fushën e onkologjisë. Mjekja onkologe pranë Spitalit Amerikan 1, Dr.Esmeralda Sera theksoi se këto zbulime janë tejet premtuese dhe japin shpresë për kurimin e kancerit në një të ardhme jo të largët.
“Një nga risitë e mëdha të vitit që lamë pas ishte përfundimi i fazës së parë të vaksinës kundër kancerit të gjirit dhe shpresojmë që së shpejti të kenë mundësinë e përdorimit të gjitha femrat. Zbulimi i imunoterapisë së targetuar CAR-T cells pati një rezultat mjaft të mirë te pacientët te të cilët u praktikua dhe shpresojmë të praktikohet edhe në vendin tonë së shpejti.
Tjetër risi ishin analizat duke u bazuar në ADN-në e pacientëve që vuajnë nga kanceri. Në këtë mënyrë shkencëtarët panë mutacionet që dolën direkt nga ADN, gjë që i ndihmoi ata të zbatonin terapinë e personalizuar te këta pacientë me rezultate mjaft të mira”, tha doktoresha.
Ndërsa kërkimet dhe studimet në fushën onkologjike vazhdojnë me qëllimin që në një të ardhme të afërt kanceri të jetë një sëmundje e shërueshme, Dr.Esmeralda Sera theksoi rëndësinë e kryerjes së kontrolleve rutinë të cilat ndihmojnë në kapjen në kohë të sëmundjes.
“Për të gjithë pacientët që vuajnë nga sëmundjet malinje me të gjitha risitë që përmendëm dhe që do të vazhdojnë shpresojmë që kanceri në një të ardhme jo të largët të jetë një sëmundje e shërueshme. Ndërkohë për të gjithë nuk duhen neglizhuar kontrollet rutinë, sepse parandalimi i sëmundjeve malinje shpëton jetë”, përfundoi mjekja onkologe.
Për më shumë informacion kontaktoni në 042357535 ose klikoni në: rezervime.spitaliamerikan.com
Spitali Amerikan, përqafoje jetën! #spitaliamerikan #spitaliamerikan
![](https://i.ytimg.com/vi/agQ2GAKam1k/maxresdefault.jpg)