Salyan müalicəvi isti suları və palçıq vulkanları ilə zəngindir. Xüsusilə belə müalicəvi əhəmiyyətli isti sular və palçıq vulkanları rayonun Babazənan dağlarında daha çoxdur.
Mütəxəssis Fəxrəddin Fərzəliyev bildirib ki, neçə yüz illərdir, yerli sakinlər və ətraf bölgələrdən gələn insanlar hərəkət-dayaq sistemlərindəki problemləri, dəri, radikulit, revmatizm, xüsusilə də qadınlarda ginekoloji xəstəlikləri müalicə etmək üçün Salyandakı isti su və palçıq vulkanlarıdan istifadə edirlər.
Fəxrəddin Fərzəliyevin sözlərinə görə, görkəmli alman alimi, akademik Vilhelm German Abex 1860-cı ildə Salyanda olub. Bu isti suların kimyəvi tərkibini öyrənib. Abex Salyan isti sularının Avropanın ən məşhur Karlovı Varı kurortunun suyunun tərkibi ilə eyni olduğunu bidirib.
Mütəxəssisin fikrincə, buraya gələn xəstələr 3, 7, 10 gün müddətində müalicəvi isti sular və palçıq vulkanlarından istifadə etməkə şəfa tapırlar.
Fəxrəddin Fərzəliyev onu da bildirdi ki, rayonda "Şır-şır" bulağı da məşhurdur. "Şır-şır" bulağındakı hidrogen-sulfid qazı dəri xəstəlikləri ilə yanaşı, bədəndə şiş törədən ağır metalları da bədəndən çıxarır.
Qeyd edək ki, Salyanda müalicəvi əhəmiyyətli isti suların və palçıq vulkanların yanında balneoloji sanatoriyalar yaratmaqla müxtəlif xəstəliklərdən əziyyət çəkən insanlara şəfa vermək mümkündür.
[ Ссылка ]
