Атырау облысының әкімі Нұрлан Асқарұлы Ноғаевтың тапсырмасын орындау мақсатында облыстық жолаушылар көлігі және автомобиль жолдары басқармасы, облыстық көліктік бақылау инспекциясы, «Нұр Отан» партиясының Индер аудандық филиалы және тағы да басқа жергілікті құзырлы орган мекемелерінің бірлесе қатысуымен Атырау-Индер тас жолының бойында арнайы рейд өткізілді. Мақсат - шамадан тыс ауыр жүк тиеген көліктерді анықтап, тексеру.Рейд кезінде көліктік бақылау инспекциясының мамандары 19 автокөліктің заң бұзғанын анықтады. Жеке тұлғаның иелігіндегі 3 жүк көлігі артық салмақ тасымалдағаны үшін әкімшілік жауапкершілікке тартылды. Ал жүргізушілерде тауар құжатының жоқтығы анықталды. Көлік иелеріне 216 мың 450 теңге көлемінде айыппұл салынды.
Ещё видео!