Сириядан тағы да Қазақстан азаматы эвакуацияланды. Татьяна Салама есімді отандасымыз мінген ұшақ бүгін Мәскеудің Домадедово әуежайына келіп қонды.
7 және 17 жастағы екі баласымен Сириядан бас сауғалаған Қазақстан азаматшасымен бірге Ресейдің Төтенше жағдайлар министрлігінің арнайы борты Ресей, Сирия, Украина, Белорусь елдерінің 59 азаматын Мәскеуге жеткізді.
Еліміздің Сыртқы істер министрлігі Ресейдегі Қазақстан елшілігі тарапынан көмек көрсетілетінін хабарлады.
Айта кетейін, Сирияда 2011 жылдан бері азаматтық соғыс жүріп жатыр. Билік басындағы Башар Асадқа қарсы бірнеше ұйым әрекет етуде. Сондай-ақ ел аумағында Ирак және Левант лаңкестік ұйымының содырлары жиі теракт ұйымдастырады. Сириядағы қарулы қақтығыстар салдарынан 230 мыңнан астам адам қаза тапқан.
Ещё видео!