Ինչպե՞ս հանգստացնել նյարդերն ու դուրս գալ դեպրեսիայից, սթրեսից։ Եթե մենք ուզում ենք հանգստացնել մեր նյարդերը, մենք իրականում ի՞նչ ենք ուզում; խաղաղություն ենք ուզում չէ։ Հիմա, ինչպե՞ս դուրս գալ սթրեսից, կամ ի՞նչ պիտի անել, որ դուրս գալ դեպրեսիայից և հանգստացնել նյարդերը, ավելի ճիշտ ինչպե՞ս ձեռք բերել խաղաղություն։
4րդ դարում Եգիպտոսում Պաիսիոս անունով մի վանական կար, ով այնքան սրբակենցաղ կյանք էր ապրում, որ եկեղեցին իրեն հիշում է Պաիսիոս Մեծ անվամբ։
Այս մարդը մի անգամ նյարդայնացել էր, ու խնդրեց Աստծուն, որ իրեն ազտի նյարդայնացումից, կամ մեր ժամանակակից լեզով ասած՝ ազատի սթրեսից։ Ասում են, որ Տերը հայտնվեց նրան և ասաց. «Պայսիոս, եթե ուզում ես չնյարդայնանալ, ապա ոչինչ մի ցանկացիր, ոչ մեկին մի՛ դատիր և մի՛ ատիր, ու դու չես նյարդայնանա»:
Այս մասին պատմում է 20րդ դարի սկզբում Աթոս լեռան վրա ապրած Սիղուան անունով մի հայտնի վանական, ով ասում․
Յուրաքանչյուր մարդ, եթե նա սկսի կտրել իր կամքը Աստծո և մարդկանց առաջ, ապա նա միշտ խաղաղ կլինի իր հոգում, բայց նա, ով սիրում է իր կամքը, երբեք չի խաղաղվի: Այսինքն, եթե դու սիրում ես քո կամքն ու քո ցանկությունները, դու երբեք չես խաղաղվի, սթրեսն ու դեպրեսիան կյանք կուտեն։ Ինքն ունի ես չունեմ, ինքը գնաց ես մնացի, ինքը մեծն առավ իմը փոքր է, ես էլ եմ ուզում։
Ուրեմն եթե դու ուզում ես չնյարդայնանաս ու դուրս գաս սթերսից, պիտի սովորես ուրանալ քո կամքը, կտրել քո ցանկություններն ու ոչ մեկին չատել։ Դրա համար էլ Տեր Հիսուսը մեզ սովորեցնում է Հայր Մեր աղոթքի մեջ ասել, "թող քո կամքը լինի․․․"
իսկ Աստծո կամքին հանձնված հոգին, հեշտությամբ է տանում բոլոր նեղությունները, վիշտերն ու հիվանդությունները, քանի որ նույնիսկ հիվանդության ժամանակ նա աղոթում և խորհում է Աստծո մասին.
Նա ասում է «Տե՛ր, դու տեսնում ես իմ հիվանդությունը. Դու գիտես, թե որքան մեղավոր և թույլ եմ ես. օգնիր ինձ դիմանալ և երախտապարտ լինել Քո բարության համար»։
Եվ Տերը թեթևացնում է հիվանդությունը, և հոգին կզգա Աստծո օգնությունը և կուրախանա Աստծո առաջ և երախտապարտ կլինի:Եթե ինչ-որ ձախորդություն պատահի ձեզ, ապա մտածեք այսպես. «Տերը տեսնում է իմ սիրտը, և եթե Նա կամենա, ապա լավ կլինի և ինձ համար և ուրիշների համար»։ Ու այսպես սիրելի հարազատներ, ձեր հոգին միշտ խաղաղ կլինի:
Իսկ եթե մեկը տրտնջա թէ սա ինձ համար չի, ինչի ա իմ հետ սենց բաներ պատահում, սա ճիշտ չի, այս տեսակի մարդը երբեք խաղաղություն չի ունենա, նույնիսկ եթե անգամ շատ ծոմ պահի ու աղոթի։
Դե լավ բարեկամներ ջան, հիմա հիմա տեսնու՞մ էք թէ սուրբ մարդիկ ինչ են պատմում չնյարդանանալու և սթրեսը հաղթահարելու միջոցների մասին։ Միշտ ասեք, Հայր մեր, թող քո կամքը լինի։ Եվ մի տրտնջացեք նեղության ժամանակ, այլ նայեք ձեր կյանքին, շտկեք ձեր սխալները, և փառք տվեք Աստծուն։
