GUÉI PUNTÉRO
(Canto de entrada o Comunión)
Aikosénte nde kokuépe Ñandejára
guéi katupyry jeroviaha,
yúgo guýpe ndéve tañakãity
tachemosã nde po tembiaporã.
Emboguapy katu che ári nde arádo
kuarahy che apére, ty’ái, kane’õ,
Nde chemboguatárõ Ñandejára
Mba’eveichavérõ ndajavýi upe tape.
Ndorohechái ramo che renondépe
¡Guápo che ra’y! ¡Néike! ahendu
che py’a rehe oguapy
che mbyetia’e ne ñe’ẽ.
Itakua pa’ũme sapy’ánte aike,
Oisu’u pe arádo ipohýi kuete,
ku hasyvehápe che ati’y nupã.
¡Háime che reity pe anome’ũ!
Ajetyvyro mba’evérõ guáicha
che líño rováre ajesareko,
mãro nañandúi ku nde popohýirõ
upéva rangue che pete pete.
Tove tapyrũ pe yvy atãre
togue che hegui che rapykuere,
ndéve tahu’ũ pe yvy rupa
topyta ipype pe nde pypore.
Tapicha saite reisambyhyséva
kolleréro guáicha che ajúri emosã,
guámpa ryapúpe rojogueraháne
ne renondetépe roguahẽmeve.
Ne ñe’ẽ rendúpe júntape aguatáne,
che irũnguéra ykére aipykúi tape,
che chejeheguinte ndahái mamove
ha nde rehe’ỹ ndaguatasevéi.
Kuarahy okañývo ka’aguy kupépe
Nde che renondépe ýpe chemoirũ.
/Añamindu’u ku jasy rendýpe,
luséro ndoguéiva, péva hína Nde./ (Bis)
CD MISA GUARANÍ (Material II)
℗ 2011 Misa Guaraní - Jesuitas del Paraguay
Accedé a la letra y los acordes de esta canción en el siguiente enlace:
Ещё видео!