"WestGate" ticarət cərgəsi 20 noyabr Ümumdunya Uşaqlar Günü münasibəti ilə Şəmkir rayonu Söhrab Rüstəmov adına Sabirkənd uşaq bağçasını ziyarət etmişdir. Ziyarətin məqsədi uşaqları onlar üçün bu xoş gündə hədiyyə sovqatı ilə sevindirmək idi.
Ziyarət zamanı uşaqlara şirniyyat süfrəsi təşkil edilmiş, "WestGate" ticarət cərgəsində yerləşən brendlərdən qiymətli hədiyyələr, oyuncaqlar təqdim olunmuşdur. Ticarət cərgəsi və onun üzvləri uşaqlara Şəmkir Əyləncə Parkında əyləncə proqramını və "Şamburg" restoranında nahar hədiyyə etdilər. Hədiyyələri böyük sevinclə qarşılayan uşaqlar Şəmkir Şəhər Parkında xoş anlar yaşıdılar.
Qeyd edək ki, həmçinin tədbirin keçirilməsində "Zəka" Mərkəzi təşkilati dəstək göstərmişdir.
"WestGate" ticarət cərgəsi cəmiyyət qarşısında korporativ sosial məsuliyyətini dərk edərək, sosial layihələrin icrasını gələcəkdə də davam etdirməyi düşünür.
Şəmkir şəhərinin girəcəyində yerləşən və regionda bir yenilik olan bu ticarət cərgəsi, Azərbaycanda fəaliyyət göstərən ən tanınmış brendləri bir araya gətirir. Fəaaliyyət göstərdiyi bir il müddətində, bu alış-veriş cərgəsi rayon sakinlərini yeni iş yerləri ilə təmin edib, sahibkarlar üçün əlverişli şərtlərlə bizneslərinin inkişafına köməklik göstərərəkQərb regionu sakinlərinə geniş seçim imkanı və yüksək səviyyəli xidmət təqdim edib.
![](https://s2.save4k.ru/pic/bFAXQC9cteE/mqdefault.jpg)