Еріген қар суынан Солтүстік Қазақстан облысының тұрғындары зардап шегіп отыр.
Бір тәулік ішінде Петропавл қаласы мен іргелес елдімекендерде 50 тұрғын үйді су алып кеткен. Негізінен аулалар мен бау-бақшаларды басып қалған су кейбір үйлердің еденінен асқан. Өңірлік Төтенше жағдайлар қызметі апатты аймаққа арнаулы техника аттандырып, қазір көлкіген суды сорғымен тарту жедел қолға алынып жатыр.
