Հայաստանի երրորդ նախագահ Սերժ Սարգսյանը հարցազրույց է տվել «Արմնյուզ» հեռուստաընկերությանը՝ անդրադառնալով ԼՂ հակամարտության կարգավորման բանակցային գործընթացին, արցախյան վերջին պատերազմում դիվանագիտական և ռազմաքաղաքական ձախողումներին՝ պարտության պատճառներին, հետևանքներին, ստեղծված իրավիճակից ելքին: Սերժ Սարգսյանը որոշակի մանրամասներ է հայտնել Կազանյան փաստաթղթի վերաբերյալ, որն Ալիևը վերջին պահին հրաժարվել էր ստորագրել: Երրորդ նախագահն ընդգծել է՝ բանակցությունները մշտապես եղել են ոչ թե այն մասին, թե մենք ինչ ենք տալու, այլ այն մասին, թե ինչ ենք ստանալու:
