#Buyrak #shish #belog'rigi
Buyrak ogʼrigʼi — ushbu aʼzoning kasalliklarida eng koʼp uchraydigan alomatlardan biri. Ogʼriqni davolash yoʼli koʼp jihatdan kasallik belgilari va turiga bogʼliq.
Muayyan belgilarga koʼra ogʼriq boshqa aʼzolarda emas, aynan buyraklarda yuzaga kelganini aniqlash mumkin.
Ularga:
Buyrak yalligʼlanishida bemorlar bel va uning yuqori qismida noqulaylik his qilishadi. Ushbu alomatga tez-tez peshob chiqarish hamrohlik qiladi. Yana bir xususiyat — peshob chiqarish yengillik keltirmaydi va achishish bilan birga kechadi. Ushbu alomatlardan tashqari, bemorlarda isitma kuzatiladi;
Buyrak-tosh kasalligida peshob chiqarish jarayoni oʼtkir chidab boʼlmas ogʼriqlarga olib kelishi mumkin;
Ertalab buyrak sohasida noqulaylik paydo boʼlsa, bu buyraklar yalligʼlanganligidan dalolat berishi mumkin. Patologik jarayon sababchilaridan biri sovqotish sanaladi;
Chap yoki oʼng tomonda joylashgan buyrak sanchigʼi, baʼzi bir manipulyatsiyalardan soʼng yanada kuchliroq namoyon boʼladi. Ushbu belgi Pasternatskiy alomati deb ataladi, bunda shifokor ogʼriq sohasiga biroz urib koʼradi;
Ham oʼng, ham chap tomonda seziladigan ogʼriqlar buyrak tushishida paydo boʼladi;
Erkaklarda ogʼir jismoniy mashqlar yoki ogʼirliklarni koʼtarishda aʼzo sohasida ogʼriqning kuchayishi aʼzo patologiyasiga ishora qiladi;
Sovuqdan keyin buyraklarda kuchli ogʼriq yuzaga kelishi ulardagi patologik jarayon rivojlanishini koʼrsatadi, bu past harorat taʼsirida faqat yomonlashadi;
Buyraklar sohasidagi teri oʼzining tabiiy pushtiroq rangini yoʼqotib, keskin kulrang tus olishi jiddiy signal sanaladi. Bunday oʼzgarishlar shifokor bilan maslahatlashish va buyrak kasalligi bor-yoʼqligini tekshiruvdan oʼtkazish uchun arzirli sabab hisoblanadi.
![](https://i.ytimg.com/vi/bl4n0VKT3qs/maxresdefault.jpg)