Amal dhaval giri ke shikharon par
Baadal ko ghirte dekha hai
Chhote-chhote moti jaise
Uske sheetal tuhin kano ko
Maansarovar ke un svarnim
Kamalon par girte dekha hai
Baadal ko ghirte dekha hai
Tung himalay ke kandhon par
Chhoti badi kaee jheelein hain
Unke shyamal neel salil me
Samatal deshon se aa-aakar
Paavas ki umas se aakul
Tikt-madhur vishatantu khojte
Hanson ko tirte dekha hai
Baadal ko ghirte dekha hai
Ritoo vasant ka suprabhat tha
Mand-mand tha anil bah raha
Baalaarun ki mridu kirnein theen
Agal-bagal svarnaabh shikhar the
Ek-dusre se virahit ho
Alag-alag rahakar hi jinko
Saari raat bitaani hogi
Nisha-kaal se chir-abhishapit
Bebas us chakava-chakai ka
Band hua krandan, phir unme
Us mahaan saravar ke teere
Shaivaalon ki hari dari par
Prany-kalah chhidte dekha hai
Baadal ko ghirte dekha hai
Shat-sahasr phut oonchai par
Durgam barfani ghaati me
Alakh naabhi se uthne bale
Nij ke hi unmaadak parimal-
Ke peechhe dhaavit ho-hokar
Taral-tarun kasturi mrig ko
Apne par chidhte dekha hai
Baadal ko ghirte dekha hai
Kahaan gaya dhanapati kuber vah
Kahaan gai uski vah alakaa
Nahi thikaana kaalidas ke
Vyom-pravaahi gangajal ka
Dhoondha bahut kintu lagaa kya
Meghadoot ka pata kahi par
Kaun batae vah chhayaamay
Baras pada hoga na yahin par
Jaane do vah kavi-kalpit tha
Mene to bheeshan jaadon me
Nabh-chumbi kelaash shirsh par
Mahamegh ko jhanjhaanil se
Garaj-garaj bhidte dekha hai
Baadal ko ghirte dekha hai
Shat-shat nirjhar-nirjharani kal
Mukharit devdaaru kanan me
Shonit dhaval bhoj patron se
Chhai hui kuti ke bhitar
Rang-birange aur sugandhit
Phoolon ki kuntal ko saaje
Indraneel ki maala dale
Shankh-sarikhe sughad galo me
Kaanon me kuvalay latakaye
Shatadal laal kamal venee me
Rajat-rachit mani khachit kalaamay
Paan paatr draakshaasav purit
Rakhe saamne apne-apne
Lohit chandan ki tripati par
Naram nidaag baal kasturi
Mrugachhaalo par palathi maare
Madiraarun aakho vale un
Unmad kinnar-kinnariyon ki
Mrdul manoram anguliyon ko
Vanshi par phirte dekha hai
Baadal ko ghirte dekha hai
Lyrics : Baba Nagarjun
Vocals and Composition : Dr Kumar Vishwas
Music Arrangement : Band Poetica
All Rights : KV Studio
Follow us on :-
YouTube :- [ Ссылка ]
Facebook :- [ Ссылка ]
Twitter :- [ Ссылка ]
Ещё видео!