Şamil Ənvəroğlu - Bir şeir göndərim təbrik əvəzi
Bəstəkar - Cavanşir Quliyev - Cavid ömrü
Sən bir az ANASAN,
adın mübarək!
Sən bir az BACISAN,
günün mübarək!
Sən bir az YOLDAŞSAN,
yolun mübarək!
Sən bir az BAHARSAN,
gülün mübarək!
Sən bir az bir dəcəl qız uşağısan,
sevdirib özünü baxıb gülənsən,
Sən bəzən sevginlə bir rəssam kimi,
bir ömrə xoş günlər çəkib hörənsən.
Sən bəzən mənimtək eşq dəlisini,
yumşaldıb "quzuya" döndərənimsən,
Tutub əllərimdən, öpüb üzümdən,
məni yaşamağa səsləyənimsən...
Sən bir az bir ömrün hər yoxuşunu,
əsla usanmadan çıxan İNADSAN.
Ayağı büdrəyən yol yoldaşını,
bütün varlığınla saran QUCAQSAN.
Hələ qorxuları, çətinlikləri,
çox vaxt təkbaşına aşan QOÇAQSAN...
Sən bir az sevdiyin doğmalarına
sevgi YUVASISAN, eşq OCAĞISAN.
Sən bir az yuvanın, doğmalarının
ağrılar toplanan dərd BOXÇASISAN...
Sən bir az evinin açıq damını,
o ağ örpəyinle tutan QADINSAN.
Sən bəzən bir axmaq ər ucbatından,
bir ömür o evdə ƏSİR yatansan...
Sən bəzən bir kiçik sevinc tapanda,
dağ boyda ağrını heçə sayıbsan,
İçini yeyəndə ölən ümidlər,
gizlin ağlayıbsan, aşkar susubsan...
Sən bəzən bağrına basıb körpəni,
dinməyib "ANAYAM" deyib dözübsən.
Sən bəzən bədəni diri saxlayıb,
ruhən sarsılaraq çoxdan "ÖLÜBSƏN".
Sən bəzən qəlbinə gömüb hər şeyi,
daşını atıbsan öz arzuların.
Ölən ümidlərin yerinə gəlib,
oğul arzuların, qız arzuların...
Nə arzu edim ki?
nə deyim, QADIN?
Nə deyim, sənin də qəlbin alışsın?
Bir şeir göndərim təbrik əvəzi,
Sən də bax sözlərə başın qarışsın...
Ещё видео!