ԱՄՆ Ներկայացուցիչների պալատի անդամ Ֆրենկ Փալոնեն հայտնել է, որ «արդյունավետ զրույց է ունեցել Պետքարտուղարության եւ Պենտագոնի ներկայացուցիչների հետ։ Քննարկել ենք հայ-ամերիկյան հարաբարությունների ամրապնդման հնարավորությունները», - նշել է Փալոնեն։
Հայ-ամերիկյան հարաբերությունների ամրապնդման հարցի քննարկումը Պենտագոնի հետ նոր տարր է։ Անկախության հռչակումից ի վեր Հայաստանի հարաբերություններն ԱՄՆ-ի հետ գրեթե չեն առնչվել անվտանգության ոլորտին. Հայաստանը միշտ կաշկանդված է եղել Ռուսաստանի հետ պայմանագրային պարտավորություններով եւ ըստ այդմ՝ «Ղարաբաղում տարածքային կորուստների վտանգով»։ Սակայն 2020 թ․ պատերազմն այսպես ասած «չեղարկել է» այդ փաստարկները՝ Ռուսաստանն ու ՀԱՊԿ-ը հրաժարվել են կատարել պայմանագրային պարտավորությունները, Ռուսաստանի նախաձեռնած պատերազմում տարածքները կորսվել են, եւ Հայաստանին ոչինչ չի խանգարում դիվերսիֆիկացնել անվտանգության համակարգը։
2018 թ․ հոկտեմբերին Հայաստան էր ժամանել ԱՄՆ նախագահի անվտանգության հարցերով այն ժամանակվա խորհրդական Ջոն Բոլթոնը, ով հայտարարել էր.
«Ինչպես ես ասել եմ Հայաստանի վարչապետին, եթե խոսք է գնում ռուսական կամ ամերիկյան ռազմական ռեխնիկա գնելու մասին, ապա մենք կգերադասեինք վերջինը։ Մենք համարում ենք, որ ամեն դեպքում մեր տեխնիկան ավելի լավն է, քան ռուսականը։ Այնպես որ, ուզում ենք դիտարկել նման հնարավորություն։ Կարծում եմ, դա կավելացնի Հայաստանի հնարավորությունները, երբ այն կախված չի լինի մի գերտերությունից»։
Նյութի աղբյուր՝ 1in.am, lragir.am
#lurer #amn #rusastan #chinastan #hayastan #adrbejan #turkia #erdoxan #putin #aliev #uzbekstan #arcax #zangezur
