Këngëtarja Anxhela Peristeri dhe Ori Kuçi ishin sot të ftuara në studion e “Rudina”, në Tv Klan.
Ata janë tashmë një ndër çiftet që kanë rënë më shumë në sy në spektaklin “C’est la vie”, ku vetëm fundjavën e kaluar fituan kupën dhe Kuçi u vlerësua nga juria për aftësitë në muzikë.
Por, sot përmes emisionit Kuçi tregoi se si është njohur me këngëtaren.
“Ne jemi njohur nga një shoqja jonë e përbashkët dhe kur mora vesh se Anxhela do të ishte pjesë e emisionit bëra ç’mos të jem çift me të. Regjizori Bledi Laçi më tha se do iu prishja çiftet pasi ishte llogaritur të ishin një femër dhe një mashkull. Kombinimi jonë nuk ishte i rastësishëm pasi ne na rrinë shumë mirë zërat bashkë”, tha Kuçi.
