Një ditë pasi përfaqësuesi i lartë i BE-së Josep Borreli dha sinjale se nuk mund të ketë pandëshkueshmëri për autorët e dhunës në veri policia e Kosovës ka arrestuar edhe një serb të dyshuar për përfshirje në rast të sulmit dhe rrezikimit të anëtarëve të KFOR-it në veri të Kosovës.
I njohur me nofkat “Nemac” dhe “Rusi” ai dyshohet për sulm ndaj pjesëtarëve të KFOR-it më 29 maj, pasi protestuesit e dhunshëm sulmuan KFOR-in.
Ka reaguar ministri i Punëve të Brendshme i cili ka shkruar në Facebook se secili që ka organizuar dhe ka qenë pjesë e sulmeve në veri do të sillet para drejtësisë.
“Republika nuk trembet. Secili do të japë llogari për secilin krim. Do të vazhdojmë pa u ndalur, në luftë ndaj të gjitha bandave që kanë për synim terrorin ndaj qytetarëve tanë e destabilizimin e vendit tonë”, ka shkruar Svecla .
Ndërkohë dy sulme me shokbomba janë shënuar gjatë natës në veri derisa dy qytetar shqiptar janë rrahur nga një grup i të rinjve serb në veri.
Autoritetet janë duke u angazhuar që sulmuesit të sillen para drejtësisë.
Më 29 Maj si pasojë e sulmeve dhe dhunës së shfaqur, 30 pjesëtarë të KFOR-it kanë pësuar lëndime trupore.
Edhe dy ditë bëhen një muaj që kur serbët janë duke protestuar para objekteve të tri komunave veriore duke kundërshtuar futjen e kryetarëve të rinj në objektet komunale.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
