Ռուս-ադրբեջանական հարաբերություններում սկանդալ է հասունանում։ Մասնավորապես, նախօրեին համացանցում տեսանյութ է տարածվել, թե ինչպես ադրբեջանցի դիվանագետ, Բելառուսում, Մոլդովայում, Շվեյցարիայում ու Պակիստանում Ադրբեջանի նախկին արտակարգ ու լիազոր դեսպան Իսֆանդիյար Վահաբզադեն վիրավորում է ռուս քաղաքական գործիչ Վլադիմիր Ժիրինովսկուն ու ռուս ժողովրդին։ Վահաբզադեն այսպիսով պատասխանել է Ժիրոնովսկու՝ ավելի վաղ արած հայտարարություններին, որոնք ադրբեջանական կողմը համարել էր վիրավորանք ուղղված երկրի ղեկավարության հասցեին։ Ադրբեջանի արտգործնախարարություն էր հրավիրվել Բաքվում Ռուսաստանի գործերի ժամանակավոր համատարմատարը։ Այժմ էլ այս սկանդալին խառնվում է ադրբեջանցի դեսպանը, որի հայտարարությունները մեծ տարածում են գտել նաև համացանցի ռուսական տիրույթում։ Տեսանյութում Վահաբզադենն մասնավորապես նշում է, որ ժամանակին «Ժիրոնովսկին ադրբեջանցիներին նաև ոչխար է անվանել, որին չեն պատասխանել ու ահա որոշ ժամանակ անց ռուս գործիչը սկսել է լկտիանալ»։ «Վոլոդյա լսի՛ր, գիրացած խոզ, ծեր էշ։ Դու բուրում ես, ինչպես խոզը, դու խոզ ես, քո ազգն է բուրում խոզի պես»,- ասում է Վահաբզադեն։ Նա նաև նշում է, որ «ամեն ամիս ռուսների համար խավիար, ձուկ, գումար, ինչ հնարավոր է ուղարկում են ու իրենք սովից մեռնում են»։ Այս ամիս էլ ադրբեջանցի դիվանագետը առաջարկում է ռուսներին ու Ժիրինովսկուն դնչկալ ուղարկել ու շարունակում է տարբեր վիրավորանքներ հնչեցնել։
Նյութի աղբյուր՝ 1in.am
#lurer #hapk #hayastanrusastan #adrbejan #turkia #erdoxan #aliev #syunik #putin #xaxaxpahner #hayastan
