БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Ақтаудың іргесінде назардан тыс қалған ауыл бар. Атауы да жоқ елдімекен жұрты 20 жылдан бері үйлерін заңдастыра алмай жүр. Соның кесірінен өркениеттен жұрдай қалған. Жарық, газ, жол мәселесі шешілмей, өлместің күйін кештік дейді қараша. Төзімі таусылған тұрғындар ауылға шенеуніктер ат ізін салмай, бізді ұмытты деп қапалы. Толығырақ жұрттың жанайқайын өңірдегі әріптесім тыңдап қайтты.
Бұл ауылда отызға жуық үй бар. Тұрғындардың дені қарттар мен мүгедектер, көпбалалы және жалғызбасты аналар. Бірақ баспаналардың заңды құжаты әлі жоқ. Қаланың бас жоспарында да тіркелмеген. Соның кесірінен елдімекенге инфрақұрылым тартылмапты. Шешімін таппаған мәселе 70 жастан асқан Эльмира әжейдің жанына қатты батып отыр.
ЭЛЬМИРА РАСУЛОВА, ауыл тұрғыны:
- Балалар қалаға барады мектепке. Мына жерде мектеп алыс. Автобус та жоқ. Маған бір көмектесіңдер. Акиматтан менің сұрағаным сол. Себебі кете алмаймын. Көзім көрмейді. Басым айналады бір жұма болды докторға да бара алмаймын.
Елдімекенде түйіні тарқамаған түйткіл көп. Тұрғындар амалдың жоқтығынан жарықтың ақысын заңды тұлғаның тарифімен төлейді. Құжаттың жоқтығынан қараша газ құбырын да тарта алмай қиналған. Әкімдікке бара-бара, есігін қаға-қаға әбден шаршадық дейді жұрт.
КАМИЛА ХАШИМОВА, ауыл тұрғыны:
- Газымыз газ баллон, қатты қиын жасауға. Біз әкімшілікке барғанда бізді жөнді адам қабылдаған жоқ. Бүгін земельный комитетке бардық үйдің документін жасауға барып едік. Ол кісілер мен барып көремін, көріп болған соң айтамын сіздерге, мен жалғыз өзім ол шаруаны бітіре алмаймын, әкіммен ақылдасамын, сөйтіп сіздердің документтеріңізді көтереміз деді.
Ал шенеуніктер атауы жоқ ауылдың, құжаты жоқ үйлердің бар екенін жақында естіпті.
АЙДЫНБЕК ҰЗАҚБАЕВ, Ақтау қалалық жер қатынастары бөлімінің басшысы:
- Мен бұл туралы жақында тұрғындар келіп арызданған кезде ғана білдім. Бұл мәселені әкімдіктегі барлық бөліммен бірлесе қарастыру керек. Жақын арада шешеміз деп ойлаймын. Негізі бұл үйлер тұрған орын өндірістік аймаққа жатады. Сол себепті бас жоспарға өзгеріс енгізу керек. Бұл екі ай уақыт алады.
Айта кетейік, Ақтаудан 4 шақырым қашықтықта орналасқан бұл ауылға 80-ші жылдары түрме қызметкерлері қоныстанған екен. Махаббат Нұржанқызы, Информбюро, Маңғыстау облысы.
------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
