Жезқазған перзентханасында тағы сәби өлімі тіркелді. Осыдан сегіз күн бұрын дүниеге келген бала екі күннен кейін белгісіз жағдайда көз жұмған. Қара жамылған Сүлейменовтер отбасы тұңғыштарының өліміне дәрігерлерді кінәлайды. Анасы Меруерт Бесимованың сөзінше, перзенті туылғаннан кейін көзін ашып, жақсы тамақтанған. Ал нәрестесін дәрігерлер қарауға алып кеткенде жүрегі тоқтап қалған дейді ана.
19 желтоқсан күні Жезқазған қаласының перзентханасына түскен Меруерт Бесимова 2,300 келі салмақтағы ұлын дүниеге әкеледі. Айтуынша, бала сау болып туылған. Тіпті үш күн бойы өзі емізіп, бауырына басқан екен. Ал 21 желтоқсан күні дәрігерлер салмақ қосу мақсатында өздері тамақтандырып, қарауға алып кеткенін айтады. Ал келесі күні Меруерт сәбиін тексеруге барғанда перзентінің дем ала алмай, жүрегі тоқтап қалғанына куә болған.
ЕСІМ СҮЛЕЙМЕНОВ, ата-ана:
– Кешке қарай әйелім звондайды. Баланың жүрегі тоқтап қалды деп, емізуге барғанда дәрігермен кіргенде бетін ашса бала уже дем алмай жатыр деп. Дәрігерлер келіп аппарат қойып, реанимировать етіп, аппараттың астына қойып қояды. Содан кейін жарты сағаттан кейін дәрігер бала уже қайтты дейді.
Ал перзентхана дәрігерлері Меруерт Бесимованың жүктілік кезеңі күрделі өткенін айтады. Және анасының созылмалы сырқаттары баланың жатыр ішінде дамуына қатты әсер етуі мүмкін деп түсіндіреді.
КАУКЕР ЖАҚСЫГЕЛДИНОВА, "Жезқазған қаласының облыстық көпбейінді ауруханасы" ШЖҚ КМК неонатологиялық қызметінің басшысы:
– 3-ші күні баланың жағдайы орталық жүйке жүйесінің зақымдану белгілері мен сарғаю синдромына байланысты нашарлады, бала реанимацияға ауыстырылды. Жағдайы жүрек-өкпе жеткіліксіздігінен ауырлай түсті. Бала қолдан дем алу аппаратына қосылды, бірақ емдеу шаралары нәтиже бермеді. 2022 жылы 22 желтоқсанда қайтыс болды, өлімнің себебі церебральды лейкомаляция. 3 дәрежелі қарыншаішілік қан кету.
Сәбидің ата- анасы прокуратура мен денсаулық сақтау министрлігіне түсірген шағымның жауабын күтеді.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
