Humbja e Partisë Demokratike në zgjedhjet e 25 prillit ka shkaktuar reagimet e para në radhët e demokratëve. Një nga eksponetët e PD, ish deputeti Fatbardh Kadilli ka qenë i ashpër në reagimin e tij në rrjetet sociale, duke akuzuar për përgjegjësi direkte kryetarin democrat Lulzim Basha. Sipas Kadillit demokratët dhe opozitarët ndihen të trishtuar, pasi nuk arritën të frymëzojnë mbështetjen e gjerë opozitare, dhe as elektoratin gri. “Ne nuk arritëm që të kapërcenim presionin, blerjet, makinacionet, joshjet dhe hilet e sistemit të ngritur nga ky pushtet. Ne nuk arritëm t’a kthenim në frymë ndryshimi zhgënjimin popullor. Si rrjedhojë jemi përballë këtij rezultati. Të cilin nuk e shmangim dot as me fajësim të njëri-tjetrit, as me taktika kalimtare, dhe as me demonizim të kundërshtarit. Rezultati negativ është i pamohueshëm. Të gjithë bashkë duhet të analizojmë mangësitë personale dhe kolektive në këtë humbje. Duke mos harruar: Si në çdo skuadër, drejtuesi mban përgjegjësinë e humbjes, siç do të merrte edhe dafinat e fitores”, thuhet në postimin e Kadillit. Ai u ka bërë thirrje demokratëve qëtë përmbahen në etiketimin e atyre që nuk i zgjidhën si alternativë. Sipas ish deputetit demokrat kërkimi i arsyeve të humbjes duhet kërkuar tek vetja. “Ne duhet ta pranojmë se nuk kishim një propozim fitues për Shqipërinë. Alternativa jonë ishte vetëm kryetari i partisë, që u dëshmua përsëri e pamjaftueshme. Duke ndjerë keqardhje dhe solidarizim të plotë me sakrificën e demokratëve dhe strukturave të partisë gjatë një opozite 8 vjeçare, jo pak here edhe të pabusull, kërkoj largimin e menjëhershëm nga funksionet drejtuese dhe dorëheqjen e Lulzim Bashës. Jo vetëm për faktin se partia gjendet sot përballë humbjes së tretë, por më shumë se kaq, ky është një model që ka shterruar. Me anë të këtij akti, ai jo vetëm njeh përgjegjësitë për rezultatin, por edhe respekton një standard të vendosur në Partinë Demokratike nga paraardhësi dhe themeluesi i kësaj force, Sali Berisha. Ai ka kërkuar kryesiesë së PD që të mblidhet sa më shpejt dhe të përcaktojë modalitetet e garës për lidershpin e ri. Ai ka shpallur njëkohesisht edhe kandidimin për kryetar të PD, duke u bërë thirrje demokratëve të mos dorëzohen pasi PD është parti e dalë nga vlerat e lëvizjes së dhjetorit.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#TopChannel
