Олий суднинг 15 апрелда маълум қилишича, агентликнинг собиқ бошлиғи Равшан Ибрагимов, унинг собиқ ўринбосари Улуғбек Назаров ва агентликнинг мослаштириш ва ўқитиш марказининг собиқ директори О. Маҳмудовга нисбатан жараён жиноят ишлари бўйича Тошкент шаҳар судида ўтказилмоқда.
Озодлик радиоси 2018 йилнинг ноябрь ойида агентлик раҳбарлари катта миқдорда пора олганликда айбланиб қўлга олинганини хабар берган эди.
Озодлик манбалари 14-20 ноябрь кунлари Миграция агентлигининг 20 га яқин расмийси Кореяга ишга кетаётганлардан 20 миллион доллар пора олганликда гумонланаётганини айтган эдилар.
Мазкур хабарни орадан бир неча кун ўтгач, Бош прокуратура тасдиқлаган.
Расмий маълумотда айтилишича, агентликнинг собиқ раҳбарлари пора олиш, пора бериш, жиноий фаолиятдан олинган даромадларни легаллаштириш, компьютер ахборотларидан қонунга хилоф равишда рухсатсиз фойдаланишда айбланмоқда.
Озодлик бу мавзу бўйича 2018 йилнинг 28 ноябрида қуйидаги мақолани эълон қилган эди:
