Ministrja e Arsimit, Besa Shahini, i është drejtuar me një video-mesazh nxënësve dhe prindërve të tyre, një ditë para provimit të matematikës, ndërsa prej disa ditësh maturantët janë në prótestë, duke shprehur pakënaqësi për testet.
Debatin për cilësinë e testeve të maturës, Shahini e cilëson “të çuditshëm” dhe të “stër-politizuar”, që sipas saj, shpërqendroi nxënësit nga përgatitja për provimet e radhës.
Sipas ministres Shahini, provimet kombëtare nuk pénalizojën nxënësit, por theksoi se janë të dizajnuar të masin jo vetëm njohuritë e nxënësve që kanë ndërtuar për 12 vite në Arsimin Parauniversitar, por dhe aftësitë që ata kanë për të aplikuar këto njohuri në jetë apo në punë.
“Ju drejtohem sepse jeni shqetësuar nga një debat i çuditshëm dhe i stërpolitizuar mbi maturën Kombëtare. Një stërpolitizim i skajshëm dhe i tmerrshëm që jo vetëm shpërqendroi nxënësit nga përgatitja për provimin e radhës, por edhe keq informoi një debat që mund të ishte një debat i rëndësishëm kombëtar.
Qendra e Shërbimeve Arsimore dhe Komiteti i Maturës Shtetërore kanë adresuar të gjitha shqetësimit që janë adresuar nga nxënësit dhe mësuesit dhe nuk kam çfarë të shtoj më për këto informatat që kanë dhënë institucionet përgjegjëse. Këto janë çështje teknike dhe duhet ta diskutojnë personat e fushës dhe më pak ne që jemi persona politik. Provimet kombëtare nuk penalizojnë nxënësit, është i dizajnuar jo vetëm të masë njohuritë e nxënësve , pro dhe aftësitë që ata kanë për të aplikuar këto njohuri në jetë apo në punë.
Testi PISA që është dhe standardi i vlerësimeve për nxënësit e bën këtë. Ky lloj testi informon edhe qendrën shërbimeve arsimore që të orientojë drejtë një matje të tillë. Të gjithë vendet kanë shkuar drejtë kësaj dhe jemi duke matur kompetencat që nxënësit mund të kenë dhe jo njohuritë që mund t’i kenë mësuar përmendësh nëj ditë para mësimit. Nxxënësit thoshin që kishte më shumë pyetje logjike dhe kështu duhet ët jetë.
Njohuritë për Letërsinë duhet të na hynë në punë edhe për jetë. Provimet kanë filluar të masin aplikimin në jetë të njohurive. Një debat për mënyrën si po zhvillohet gjuha shqipe, letërsia shqipe dhe se si po u mësohet nxënësve në shkollat tona, duhet bërë nga ekspertët jo nga politikanët. Njerëzit e fushës që dinë ta adresojnë këtë në mënyrë produktive dhe për ta përkthyer në praktika mësimore. Iu referova protestuesve të rijnë, sepse nuk e di kush po proteston.
Me sa pashë të premten para Ministrisë, kishte studentë të vitit të fundit në universitet, pjesë e strukturave të partive opozitare, të cilët e kanë bërë Maturën Shtetërore para 7-8 viteve, shumë para se të futej në funksion kurrikula e re. Kam parë gjithashtu dje që para Ministrisë kishte dalë një burrë, i cili kishte sharë e ofenduar duke përdorur fjalët më të këqija të mundshme. Unë jam e bindur që maturantët tanë nuk identifikohen me këta persona”, tha ministrja.
ShkodraWeb | Portali Argëtimit dhe Informimit
Për më shumë vizitoni: [ Ссылка ]
Subscribe në "ShkodraWeb TV" në Kanalin YouTube për Argëtim dhe Lajme KËTU: [ Ссылка ]
Për më shumë përmbajtje vizitoni: www.shkodraweb.com
Ndiq ShkodraWeb në LinkedIn KËTU: [ Ссылка ]
Like ShkodraWeb në Facebook KËTU: [ Ссылка ]
Ndiq ShkodraWeb në Instagram KËTU: [ Ссылка ]
Ndiq ShkodraWeb në Twitter KËTU: [ Ссылка ]
Humor i përzgjedhur, i kulturuar dhe nga emrat më të mëdhenj të Shqipërisë në vite. Lajme të ditës, me video dhe pa censurë, ashtu siç vështirë ti gjeni diku tjetër. Jeni të mirëpritur me videot tuaja, sugjerime të ndryshme dhe çdo gjë që mendoni se duhet të komunikojmë bashkë. Faleminderit që na ndiqni!
#ProtestaMaturante #BesaShahiniMesazh #ShkodraWeb TV
