Piloti i një F-35 të marinës amerikane që u zhduk, telefonoi shërbimet e emergjencave nga një shtëpi në Karolinën e Jugut ku ai ra me parashutë. Në një regjistrim audio, të siguruar nga BBC, piloti i tha 911 se ai nuk ishte i sigurt se ku kishte përfunduar avioni i tij 100 milionë dollarësh.
Një banor lokal po ashtu mund të dëgjohet teksa shpjegon me qetësi se piloti kishte rënë në oborrin e shtëpisë së tij. Mbetjet e avionit u zbuluan të hënën, një ditë pasi ai u zhduk. Në telefonatën katër minutëshe me numrin e emergjencave, banori i një shtëpie në charlestonin verior mund të dëgjohet teksa i thotë dispecerit se kishte një pilot në shtëpi. “Ai ka rënë në oborrin e shtëpisë sime”, shton banori. “A mund të vijë një ambulancë, ju lutem”.
Piloti 47 vjecar, emri i të cilit nuk është bërë i ditur tha se ndihej mirë pasi ishte katapultuar nga një lartësi prej 609 metrash dhe kishte lënduar vetëm pak shpinën. “Zonjë, një avion ushtarak u rrëzua. Unë jam piloti. Duhet ndihmë”, tha ai. “Nuk jam i sigurt se ku është avioni. Mund të jetë përplasur diku. Unë u hodha me parashutë”. Sipas trupave të marinës, piloti u katapultua pas një keqfunksionimi dhe ra në një zonë të banuar afër aeroportit ndërkombëtar të Charlestonit.
Edhe pse është e paqartë se si dhe pse F35 ka vazhduar të fluturojë edhe pas katapultimit të pilotit, marina tha se softueri i kontrollit të fluturimit mund ta ketë ndihmuar atë të qëndrojë në ajër edhe pa duart e pilotit në kontroll. “Kjo është projektuar që të shpëtojë pilotët tanë nëse ata janë të paaftë ose humbasin ndërgjegjen”, u tha në një deklaratë. Kërkimi ndërkohë mund të jetë vështirësuar për shkak të teknologjisë dhe kapaciteteve anti radar të avionit, që fshin sistemin e komunikimit në rastin kur piloti katapultohet.
Pamje: AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#F-35#SHBA#TopChannel
![](https://s2.save4k.ru/pic/cbsoHhAXK5M/maxresdefault.jpg)