Sekretari i Përgjithshëm i NATO-s, Jens Stoltenberg dhe presidenti finlandez, Alexander Stubb, kanë siguruar aleatët se Rusia nuk përbën kërcënim aktual ushtarak për bllokun transatlantik. Megjithatë, në një konferencë të përbashkët për shtyp në Helsinki, Finlandë, dyshja paralajmëroi se shtetet e NATO-s duhet të mbështesin Ukrainën dhe ushtrinë e saj për të penguar çdo agresion të ardhshëm nga Moska. "Ne nuk shohim ndonjë kërcënim të afërt ushtarak kundër ndonjë aleati të NATO-s," u tha Stoltenberg gazetarëve. “Rusia është më se e shqetësuar me luftën ndaj Ukrainës”, shtoi ai, duke vënë në dukje se Moska ka ridislokuar shumë nga forcat e saj të vendosura tradicionalisht përgjatë kufijve të NATO-s në fushat e betejës së Ukrainës. "Kur luftimet përfundojnë në Ukrainë, ata mund t'i rindërtojnë ato forca," tha Stoltenberg. "Por, përsëri, kjo nuk do të thotë se ne shohim ndonjë rrezik për sulm të afërt kundër ndonjë aleati të NATO-s, sepse NATO është 50 për qind e fuqisë ushtarake botërore. NATO është aleanca dhe fuqia më e madhe ushtarake në botë. Kjo ide se ka një lloj numërimi mbrapsht për luftën e ardhshme është e gabuar”, shtoi Stoltenberg. “E gjithë ideja që një vend si Rusia do të sulmonte apo frikësonte disi aleancën më të madhe ushtarake në botë, më duket mjaft e pabesueshme”, tha në anën tjetër Stubb, i cili mori detyrën në mars pak para se Finlanda të bëhej anëtarja më e re e NATO-s. Ne thjesht nuk shohim të ketë një kërcënim ushtarak tani për Finlandën, Suedinë, Norvegjinë ose shtetet baltike. Sidoqoftë mënyra më e mirë për të parandaluar luftën është përgatitja për luftë," shtoi Stubb. Stoltenberg - mandati i të cilit në krye të NATO-s do të përfundojë në tetor, pasi tashmë është zgjatur me një vit shtesë për shkak të pushtimit rus të Ukrainës - gjithashtu u përpoq të minimizonte çdo aluzion të një përpjekjeje kolektive nga vendet aleate për të vendosur trupa brenda kufijve ukrainas në rolet jo luftarake. “Ne kemi të drejtë të ofrojmë mbështetje për Ukrainën”, tha Stoltenberg. "Aleatët po i ofrojnë mbështetje Ukrainës në mënyra të ndryshme. NATO nuk ka plane të vendosë forca në Ukrainë," vazhdoi ai, duke shtuar se aleanca po kërkon "angazhim afatgjatë financiar për të siguruar që ti qëndrojë pranë Ukrainës për aq kohë sa duhet".



Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Stoltenberg#Rusia

свернуть