قبل سنة تقريبا كنا نشرنا تقرير حول مشروع الواحات العملاقة اللي كيقوم المغرب بإنجازو فالمنطقة الشرقية
مشروع اللي كيتجلى فآلاف الهكتارات من الواحات المزروعة بالنخيل و اللي غتنتج للمغرب ملايين الأطنان سنويا من الثمور عالية الجودة
وكيفاش غتخلي بلادنا تحقق لإكتفاء الذاتي و فبلاصة مانبقاو تستوردو سنويا الثمور من الجزائر و تونس فكل شهر رمضان، غنوليو حنا اللي كنصدرو
اليوم غنحاولو نعرفو فين وصل هاد المشروع ، نسبة الأشغال فيه، شنو تم إنجازو و شنو باقي فطور الإنجاز
غنقدمو معلومات مهمة للغاية، فخليكم متبعين معنا مزيان معكم خوكم محمد سليم
أولا مشروع الواحات العملاقة ، كيتعتابر أضخم حقل لإنتاج الثمور فالعالم بمساحة كتفوق ال 9000 هكتار ، 9000 هكثار من أشجار الثمر المتراسة و اللي قادرة تنتج لينا عشرات الآلاف من الأطنان ، و غي للمقارنة فقط ، مساحة هاد الحقل كتعادل ثلثي مساحة مدينة عملاقة بحال العاصمة الرباط اللي كتبلغ مساحتها 12000 هكتار . و هادشي كيعني أن المشروع هو مزرعة عملاقة و شاسعة للنخيل و مساحتها كتقارن بمدن كبرى فالمملكة
![](https://s2.save4k.ru/pic/chK2R3l2q-4/maxresdefault.jpg)