Батыс Қазақстан облысында келер жылы тағы 50 шақты ауыл таза ауызсумен қамтылмақ.
Бұл туралы Көшім ауылындағы орталықтандырылған су жүйесін іске қосу кезінде өңір басшысы айтты. Аймақтарды дамыту бағдарламасына сай, өңірде 55 елді мекен сумен қамтылмақ. Бұл мақсатқа 11 миллиард теңге жұмсалады. Қазір оның тоғызына таза ауызсу жеткізілді. Күні бүгін облыстағы 443 елді мекеннің тек 36 пайызы тіршілік нәрімен қамтылған. Бұл – республика бойынша ең төменгі көрсеткіш. «Нұрлы жол» бағдарламасы аясындағы жобаны жүзеге асыруға 198 миллион теңге бөлінді, құрылысы мерзімінен екі ай бұрын аяқталды. Үлкен Шаған ауылындағы ұңғымалардан 8 шақырымдай құбыр тартылған. Олар арқылы тазартылған су Көшімде салынған 50 текше метрлік су мұнарасына жетеді.
Сәуле Закарина, Көшім ауылының тұрғыны:
![](https://s2.save4k.ru/pic/civ85DeBqo0/maxresdefault.jpg)