Bir izləyicimiz soruşur ki, niyə Güllələnmə Təxirə Salınır 1993-cü ildə çəkilsə də, nümayiş tarixi 2002 yazılıb? İzləyək.
Əslində, bu hadisə başqa məşhur bir filmimizdə də olub. Yuxu filmi 1993-cü ildə çəkilsə də, yalnızca 2001-ci ildə bitirilib və nümayiş edilib. Bunun səbəbi həmin filmi tamamlamaq üçün maddi vəsaitin olmamasıdır. Oxşar hadisənin daha pisi Güllələnmə Təxirə salınırda baş verib. Filmi maliyyələşdirən şəxs müflis olur və çəkilişlər yarımçıq dayanır. Bundan sonra isə filmin lentləri - neqativləri it-bata düşür. Ukraynada Dovjenko studiyasında qalır və pul olduğu üçün gedib götürmürlər. Ancaq illər sonra gedib həmin lentləri tapırlar. Məhz bundan sonra filmin geri qalan hissələrini də çəkir və nümayiş etdirirlər. Bu filmdən hansı ifadələr yadınızda qalıb?
