"Чытаем Багдановіча разам" - праект РТБД да 125-годдзя са дня нараджэння беларускага паэта. Словы, якія актуальны і сёння, набываюць новы сэнс у акцёрскім прачытанні. #чытаембагдановіча #багдановіч125 - для ўсіх, хто хоча далучыцца да нас.
У бубны дахаў вецер б’е,
Грыміць па ім, зьвініць, пяе.
І сьпеў ліецца ўсё мацьней, –
Гулянку справіў пан Падвей.
У бубны дахаў вецер б’е.
Грыміць па ім, зьвініць, пяе.
Ўскіпела сьнежнае віно,
І белай пенай мкне яно.
У бубны дахаў вецер б’е,
Грыміць па ім, зьвініць, пяе.
Па вулках вее дзікі хмель,
Гудзіць сп’янелая мяцель.
У бубны дахаў вецер б’е,
Грыміць па ім, зьвініць, пяе.
Максім Багдановіч. 1912 г.
