Сирия астанасы Дамаск маңында орналасқан Джараман елді мекеніндегі базардағы зымыран соққысынан 37 адам қаза тапты.
Тағы 35 кісі түрлі деңгейдегі жарақат алған. Бұл туралы жергілікті ақпарат құралдары хабарлап жатыр. Дерек бойынша, шабуыл «Файлак Ар-Рахман» тобының бақылауындағы Шығыс Гутаның Айн-Тарма елді мекенінен жасалған.
Айта кеткен жөн, Сирия әскері радикалды топтар бақылауындағы аймаққа шабуыл жасауды тоқтатқан жоқ. Түркия ақпарат құралдарының хабарлауынша, Хараста жолын уысында ұстап отырған «Ахрар аш-Шам» тобы қарсылық көрсетуін тоқтатуы мүмкін. Ал «Файлак Ар-Рахман» мен «Тахрир аш-Шам» топтары Шығыс Гутаның оңтүстігінде әскерилерге тойтарыс беріп жатыр.
Естеріңізге сала кетейік, ақпанның 27-сінен бері осы аймақта таңғы сағат 9-дан түскі 2-ге дейін гуманитарлық үзіліс жарияланған. Содан бері аймақтан гуманитарлық дәліз арқылы 80 мыңнан астам бейбіт тұрғын шығарылды. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]
