Ижтимоий тармоқларда ҳам кузатинг:
[ Ссылка ]
СЎНГГИ ИЛТИМОС
Музтар нигоҳингдан айрилиқ ёғар,
Алвидо – кўнглимда сарғайган хатим.
Ўша боғ, ўша тун, ўша ўриндиқ,
Мен фақат юзингни эслай олмадим...
Куз сочар хазонлар – надоматларин,
Бир ҳазин қўшиққа ракс тушар ҳар барг.
Ўша ишқ, ўша дард, ўша қарашлар,
Хотирам уйини айламоқда тарк.
Сен севма, соғинчлар лаҳзалик бахтдир,
Сен кетгин, еч дилдан ғам либосини.
Сен қайтма илтимос, сўнгги илтимос –
Бажарма энг сўнгги илтимосимни...
2019
