Ang aking ibabahagi sa inyo sa pagkakataong ito ay ang tungkol sa isang napaka-laking bakas ng paa na natagpuan sa Indonesia.
Walang matukoy na pinagmulan ang bakas na ito, ngunit laganap ang paniniwala doon na ito daw at bakas mula sa isang higante noon.
Kaya naman aalamin natin ang buong kwento sa likod ng misteryong ito, at kung ano nga ba talaga ang pinagmulan ng higanteng bakas na ito.
Dito lang sa ating talakayan na kung ikaw ay may karunungan, higit ka pa sa kahit anomang kaalaman. Simulan na natin!
TAPAK YUAN
Matatagpuan ang Mt. Lampu, sa siyudad ng Tapak Tuan sa South Aceh, Indonesia. Ang pangalan ng siyudad ay nagmula sa dalawang salita na Tapak at Tuan na nagmula sa alamat ni Tuan Tapa at sa isang higanteng bakas ng paa na matatagpuan sa dakong iyon.
Batay sa pagsusuri mga kaibigan, ang malaking bakas na ito ay may sukat na 6 meters ang haba at 2.5 meters naman ang lapad. Kung mamamasdan ang anyo nito ay mapapansin na ito ay may katagalan na ding naka-bakas sa dakong iyon.
Maraming teorya ang iniuugnay sa misteryosong bakas na ito. May nagsasabi na ito nga daw ay bakas na nagmula sa isang higante, may nagsasabi naman na ito daw ay bakas ng paa ng diyos, at may paniniwala naman na bigla na lamang daw itong lumitaw sa dakong iyon.
Eh pero sa aking pagsasaliksik, mayroon akong nalaman na isang kwento na mismong sa dakong iyon nagmula. At sa tingin ko ay ito talaga ang matibay na pinanghahawakan ng mga mamamayan doon sa pinagmulan nga ng higanteng bakas ng paa.
ANG HIGANTENG SI TUAN TAPA
Base sa tourist site manager ng Tapak Tuan na si Chaidir Karim nagsimula ang misteryosong bakas ng paa sa dakong iyon mahabang panahon na ang nakakalipas.
Mayroon noong isang higante na nagngangalang Tuan Tapa na totoong tapat sa kanyang diyos na pinaglilingkuran.
Isang araw, sa gitna ng karagatan, may dalawang dragon na mula sa China ang nakakita ng isang supling na palutang-lutang sa gitna ng karagatan, kinuha nila ito at kinupkop.
Ilang taon ang lumipas ang magulang ng bata ay nagkaroon ng impormasyon patungkol sa kung anong nangyare sa kanilang anak, na noong panahong iyon ang magulang ng bata ay isa nang hari at reyna.
Pinakiusapan ng magulang ang dalawang dragon na kung maaari ay maibalik sa kanila ang kanilang anak na magiging prinsesa sa kanilang kaharian, ngunit agad na tinanggihan ito ng dalawang dragon.

свернуть