Өскемендегі Ертіс өзені арқылы өтетін көпірдің ескі бөлігінің опырылуына мердігердің салғырттығы себеп болған.
Бұны тексеру жүргізген облыстық прокуратура өкілдері анықтады.
Жөндеу жұмыстары кезінде инженерлік құрылғы дұрыс пайдаланылмаған. Жалпы көпірді бөлшектеу кезінде мекеме мамандарының қауіптілігі жоғары жұмыстарды жүргізуге арнайы рұқсаты болмаған.
Жұмысшылар қорғаныс белдіктері мен сақтандыру арқанысыз жұмыс істеуге мәжбүр болыпты. Салдарынан бір адам зардап шегіп, тағы үшеуі жеңіл жарақат алды.
Бүгінде көпір құрылысымен айналысатын мекеме басшылығының кінәсі толық дәлелденіп, 520 мың теңгеден астам айыппұл төлеу міндеттелді.
Қаныш Матаев, облыстық прокуратураның басқарма прокуроры
-Болған оқиғаны толық жұмыс берушінің кінәсі деп таныдық. Прокурорлық тексеріс бойынша, өкілетті органға заңбұзушылық туралы ұсыныс енгізілді. Жұмыс беруші әкімшілік жауапкершілікке тартылады.
Ещё видео!