Erion Veliaj nuk ka asnjë dyshim se qyteti që ai administron po jeton ditët më të mira për turizmin. Rritja e numrit të vizitorëve të huaj në 4.5 milionë sipas kryebashkiakut të Tiranës qëndron tek investimet e ndërmarra në 8 vite, ç’ka ka çuar sipas tij që emrat më të mëdhenj të hotelerisë në botë të vendosen në vendin tonë.
“8 vjet më parë nuk kishim asnjë brand ndërkombëtar hotelerie në Tiranë. Asokohe, gjithollogët thoshin se Tirana s’ka turizëm, se nuk ka mundësi për turizëm. Ndoshta, me të drejtë, sepse si mund të ketë turizëm kur nuk kemi ku t’i strehojmë turistët? Turizëm në shtëpi qerpiçi nuk mund të ketë. Sot kemi hotelet me emrat më të mëdhenj të botës, që po instalohen ose janë instaluar në Tiranë.”
Veliaj u ndal edhe në akuzat që I bëhen për lejimin e ndërtesave shumëkatëshe për të cilat tha se nuk kanë cënuar hapësirat publike.
“Kullat e Tiranës, sidomos të qendrës, janë mundësia e artë për të sjellë investime të klasit botëror në fushën e turizmit. Fatkeqësisht, ndërtimi i tyre është sulmuar shumë nga njerëz që nuk e kuptojnë potencialin që ato kanë për turizmin. Histeria se këto ndërtime po bëhen në prona publike është po ashtu e rreme. Janë në pronat e tyre private”.
Në mesazhin e tij për zhvillimin e turizmit në Tiranë, Veliaj tha se kryeqyteti është në rrugë të mbarë për të qenë jo vetëm kryeqendra e shqiptarisë, por edhe pika kryesore e gravitetit në të gjithë rajonin e Ballkanit. E gjitha kjo sipas kryebashkiakut falë edhe qasjes për të pasur një qytet të pastër e mikpritës.
“Organizuam evente të mëdha, siç ishte Sunny Hill Festival, koncertet e Dua Lipës, Rita Orës, Ermal Metës, aktivitete me sukses në javët e kulturës. Organizuam me sukses të plotë Samitin e BE-së. jam i bindur se këtë histori suksesi të 2022-shit do ta përsërisim edhe këtë vit si Qyteti Europian i Sportit 2023.”
Veliaj tha se viti 2022 ishte një vit historik me mbi 1000 aktivitete, kur Tirana ishte Kryeqyteti Europian i Rinisë.
Tv Klan
#erionveliaj #tirana #turizmi
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
