Juni 26, 2024 ni siku ya Tatu ya Kambi Maalum ya Madaktari bingwa na wabobezi ambao wamekuwa Mkoani Arusha kwenye viwanja vya michezo vya Sheikh Amri Abeid lengo likiwa ni kuwapa wananchi fursa ya kupata elimu ya afya, vipimo vya magonjwa mbalimbali na ushauri wa kitaalam ili kupata huduma stahiki za tiba na kinga.

Huduma hizi za Kibingwa zinazoratibiwa na Ofisi ya Mkuu wa Mkoa wa Arusha Mhe. Paul Christian Makonda zinatolewa bila malipo na madaktari bingwa waliopo ndani ya Mkoa wa Arusha na wengine kutoka Hospitali na taasisi mbalimbali nje ya Mkoa, zikishirikisha watoa huduma na Madaktari bingwa takribani 450.

Miongoni mwa hospitali zilizotuma madaktari wake bingwa kwenye kambi hii ni Hospitali ya Taifa Muhimbili, Hospitali ya kanda KCMC, Hospitali ya Afya ya Akili Mirembe, Hospitali ya kanda Benjamini Mkapa, Hospitali ya SAIFEE Dar Es salaam, Hospitali ya Aghakhan pamoja na Taasisi ya Moyo ya Jakaya Kikwete, Ocean Road na Taasisi ya mifupa MOI.

свернуть