Na rwo si Shyashya, URUKUNDO
Urukundo, Urukundo rwiza cyane
Urukundo ruruta byose ni byo ni impamo,
Urukundo ni rwo rwa mbere
Hari abantu bahora barushaka ngo bakundwe
Hari abandi barwimana kandi rubacanira
Aha mu nzu hari abababaye bishwe n’ishavu
Hanze hafi aho hari abaremerewe cyane
Ibibondo muhura byose, bimwe muri byo
Ubibwira urukundo bikarwumva ukuntu
Ababyeyi muhura bose, bamwe muri bo
Ubabwira urukundo bakarwibuka ukuntu
Urukundo rwishe abantu bitali indirimbo
Urukundo rwamaze Rubanda
Urukundo rwamaze intwali ku isi yose
Urukundo rwamaze ibibondo na byo
Barafunze benshi kuko bagize urubarenze
Bagafatanya icyaha cya munyicire
Barapfanye nako balicanye ubwabo Urukundo rwamaze rubanda
Mu ishyali riremereye rimwe ryuhire urwango Urukundo rwamaze rubanda
Mu bugambanyi n’amabanga y’abapagani Urukundo rwamaze rubanda
Mu guhorera abo ukunda ngo were imbere yabo Urukundo rwamaze rubanda
********************************************************
Urukundo Shadiya yakunze Hamada
Ni rwo rwatumye ava mu mashuli agataha
Urukundo Raheli yakunze Eliyabu
Ni rwo rwatumye arusenya akajya kumusanga
Urukundo Sala yakunze Sisiliya
Ni rwo rwatumye bajya kwibanira hirya iyo
Urukondo Polina yakunze Rwemalika
Ni rwo rwatumye ahora abihotora ibibondo
Urukundo kandi na rwo ruvusha amaraso
Urukundo, yakundaga Generoza
Ni rwatumye ajya gusinyuza amasezerano
Urukundo Filipo yakunze Langwida
Ni rwo twatumye ajya kugurisha amasambu
Dore inkundo Rozariya yakundanye zose
Ni zo zatumye azinukwa kujya kurushinga
Dore ubwinshi bw’inkundo zitagira intumbero
Ni zo zatumye Emerita azinukwa imitoma
Urukundo kandi urukundo mbabwira
Urukundo Mihigo yakundaga imbabazi
Ni rwo twatumye bamwica barakanyagwa
Urukundo abasenyeri bakunze Imana
Ni rwo rwatumye babicira i Gakurazo
Urukundo Yehova yakunze Moïse
Ni rwo rwamushwanishije n’ibikomangoma
Kuba Herode yarakundaga umukobwa cyane
Yamuhaye umutwe wa Baptista ku isiniya
Urukundo kandi na rwo ruvusha amaraso
Urukundo Sawiya yakunze Laititia
Ni rwo twatumye bahangana n’abashinyaguzi
Urukundo bikundanira BeneFerepo
Ni rwo rwabashwanishije n’ubusabilizi
I Mageragere haliyo umusangendo urengana
Kuko yakundaga gukora inshingano za Ndagije
Urukundo kandi urukundo mbabwira
Urukundo ni rwo rwa mbere ku isi yose
Mu guhanga impamvu zituma tuba imbata
Ni rwo rwatumye abashaka kujya ku butegetsi
Bamalisha abandi bana ngo babugeraho
Ni yo mpamvu abadashaka kubusangira na bo
Baguma bica ntibahweme ngo bagumeho
Ikaba impamvu abadashaka kuba mu bucakara
Baba brutales bakitwa abanyarugomo
Ingero nyinshi tuzisanga ku mugabane wacu
Urukundo ni rwo rwatumye Maritini King
Yicwa kuko yakundaga ko tureshya
Urukundo ni rwo rwagize abagabo imbwa na bo
Kuko bikundira ababo gusa gusa
Urukundo rwikunda ntirurore kure
Ni rwo rwatumye…. Huuuummmmmm !!!!
Ingero nyinshi tuzisanga ku mugabane wacu
Urukundo bikundiraga Yuveli
Ni rwo rwatumye bahinduka abatsembatsembyi
Urukundo bakundaga Icyama na cyo
Ni rwo rwatumye kibakoresha penaliti
I Mageragera hariya hariyo abafungiyeyo
Bazira ko bikundiraga ubutunzi
I Mageragere kandi hakaba n’abarambyeyo
Bazira ko bwigwijeho impamyabumenyi
I Mpanga ni naho Deo Mushayidi yafungiwe
Kuko yamye aharanira Dialogue
I Mageragere kandi Hariyo abahungu
Bazirako gukunda mikoro bayitunga rubanda
Ingero nyinshi tuzisanga ku mugabane wacu
Dore umuntu ukunda agatama n’agatabi
Urukundo ni rwo rwamwambuye ubuzima
Dore umuntu ukunda abana b’amahogoza
Urukundo rumucucuza umutungo
Urukundo rwikunda ntirurore kure
Ni rwo rwatumye…. Huuuummmmmm !!!!
Urukundo rwikunda ntirurore kure
Ni rwo rwatumye…. Huuuummmmmm x2
Ingero nyinshi tuzisanga ku mugabane wacu
Urukundo iyo urukunze cyane ubutegetsi
Byanze bikunze wica abantu
Urukundo iyo uruhase cyane ifaranga
Byanze bikunze uhuguza rubanda
Urukundo iyo urukunze cyane ubwamamare
Byanze bikunze usazana irungu
Urukundo iyo uruhase cyane Ubwibone
Byanze bikunze uhorana agahinda
Urukundo kandi urukundo mbabwira
![](https://i.ytimg.com/vi/dSnKoNxZhMQ/maxresdefault.jpg)