Քաղաքացի Արսեն Թադեւոսյանին ոստիկանները հուլիսի 21-ին բերման ենթարկելուց դաժան ծեծի են ենթարկել, այնուհետև 4 ժամ պահել են ոստիկանությունում, հետո միայն կանչել են շտապ օգնություն, ինչից հետո բժիշկների հորդորով նրան հոսպիտալացրել են:
Հաջորդ օրը Արսենը գնացել է ոստիկանություն իրենից առգրաված հեռախոսը վերցնելու, սակայն ոստիկանները ձերբակալել են հիվանդանոցից նոր դուրս գրված ծնոտի կոտրվածքով քաղաքացուն: Նրան ապօրինաբար 7 ժամ պահել են ոստիկանությունում, հետո տարել Հրազդանի ոստիկանություն, որտեղ Արսենի վիճակը տեսնելուց հետո հոսպիտալացրել են Հրազդանի հիվանդանոցում:
Արսենը այժմ դուրս է գրվել հիվանդանոցից, նրա բուժման ծախսերը իրականացվել է պետպատվերի շրջանակներում:
Քաղաքացիներին ոստիկաններն անմարդկային են վերաբերվում, ծեծի են ենթարկում, անունը դնում «ոստիկանի օրինական պահանջին չենթարկվել»: Արսենը պատմում է, որ Լյովա Երանոսյանն անձամբ է ասել, որ բոլորիդ հավաքելու ենք Խորենացու փողոցից:
Արսեն Թադևոսյանը պատմում է իր հետ կատարվածի մասին: Նա դժվար է խոսում, ստացած վնասվածքների պատճառով:
