Na cuarta entrega de Aquí hai praia descubriremos cinco marabillosos areais da nosa comunidade. No programa de hoxe veremos como é posible ir á praia e disfrutar tanto da familia coma dos deportes náuticos.
As praias que visitaremos son:
Parameán, Muros: Situada na desembocadura do río Maior é unha praia perfecta para disfrutar en familia, pois posúe os sevizos necesarios para gozar dun día tranquilo.
Tanxil, Rianxo: Esta praia bordeada por unha zona de arboleda e céspede é perfecta para pasar unha xornada cos amigos. Comer, pasear, tomar o sol, nadar,…todo é posible nun ambiente tranquilo e natural moi preto do centro urbán de Rainxo.
Altar (ou San Cosme), Barreiros: Este areal lucense de 1.100 metros de lonxitude é unha das mellores praias da zona. Dispón de servizo de socorrismo, merendeiros, duchas, restaurantes,… e o valor engadido de poder estar cómodamente na praia sen que ninguén te pise.
Santa Cristina, Oleiros: Praia de ambiente selecto, idónea para a práctica de deportes coma o voley ou o paddle surf, na que atoparemos corpos de infarto e compartiremos vivenzas no noso “momento tuper”.
Rodeira, Cangas: Praia que atopamos no núcleo urbán con grande afluencia de turistas na época estival.
É unha praia moi completa na que podemos gozar do deporte, da familia e amigos e de todo tipo de servizos e comodidades.
![](https://s2.save4k.ru/pic/dY-AJOdodJs/maxresdefault.jpg)