Дээдсийн тулгат голомтыг оюундаа бадрааж
Дэлхийн зүрхэн талд оршсон монголын
Түмэн үеэрээ жаргасан халуун энгэр
Төр түмнээ ивээсэн Чингэлтэй хайрхан уул минь
Цэцгийн балт салхийг нь зүрхэндээ ариулж
Ертөнцийн оюуныг хөтлөх бидний
Эрин үеэрээ дээдэлсэн хүслийн уран дөл
Эрдмийн номин Чингэлтэй хайрхан уул минь
Хөх толбот тэнгэрийн үрсийг өвөртөө торниулж
Алтан тэвшийн хөндийд мандсан бидний
Ирэх зуун зуун жилийг угтах гэрлийн хувилгаан
Эрдэнийн номин Чингэлтэй хайрхан уул минь
Дахилт:
Эхийн өвөр шиг,
Эцгийн буян шиг ээлтэй хангайдаа
Түмний үрс нь жаргаж суудаг
Хамаг Монголын оюунт уул
Тэнгэрт шүтэлцсэн хангай минь
Цэцгээр аргадаж, эрдмээр бударсан өлгий минь
Чингэлтэй хайрхан уул минь
