Allah-təala peyğəmbərini elə yaratmışdı ki, O, cahillik dövrünün adətlərinə nifrət edirdi. Muhəmməd (s.a.s), peyğəmbər olmazdan əvvəl də o zaman ən adi sayılan fellərdən uzaq idi... Onun nə içki içdiyini, nə bütə tapındığını, nə yalan danışdığını, nə də əmanətə xəyanət etdiyini görən olmadı. Tez-tez qoyun otarmağa getməsindəki bir səbəb də budur: İnsanlardan uzaq durmaq və dərin təfəkkürə imkan verən yerdə Rəbbini düşünmək! Bəli, bu mübarək gənc heç bir bütə əsla və əsla ibadət etmədiyi kimi müşriklərin bütlər üçün hazırladıqları şənliklərə də qoşulmazdı... Səbuhi Rəhimlinin təqdimatında Həzrəti Peyğəmbərimizin (s) həyatından fraqmentləri dinləyə bilərsiniz. Bu mübarək Ramazan günlərində düşünürük ki, böyük savabı olar.

свернуть