Արցախի ԱԺ-ն դիմել է Ադրբեջանի բնիկ ժողովուրդներին՝ լեզգիներին, թալիշներին, ավարներին, թաթերին, ուդիններին, ցախուրներին, ինգիլոյներին, ռուտուլներին, Շահդաղի խմբի ազգություններին և քրդերին, ովքեր ուծացման եզրին են և կոչ է արել խուսափել զորակոչից, առաջնագիծ մեկնելուց և Արցախի ժողովրդի դեմ ռազմական ագրեսիային մասնակցելուց՝ այդ թվում փորձելով լքել Ադրբեջանի տարածքը։ Արցախի դեմ ագրեսիային մասնակցել չցանկացող և Ադրբեջանը լքած անձանց այլ երկրներում հայկական սփյուռքի համապատասխան կառույցների կողմից կցուցաբերվի համապատասխան օժանդակություն։ Արցախի զինված ուժերի ներկայացուցիչներին հանձնվելու դեպքում տվյալ անձը կդիտարկվի ոչ թե շարքային ռազմագերի, այլ հյուր:
