Hamasi dhe delegacioni i tij është tërhequr nga bisedimet e armëpushimit në Kajro, ku nuk kishte asnjë shenjë përparimi vetëm disa ditë para fillimit të Ramazanit.
SHBA ka bërë të ditur se përgjegjësia ishte e grupit militant palestinez për të arritur një marrëveshje me Izraelin për pengjet. Izraeli dhe Hamasi fajësuan njëri-tjetrin për mungesën e marrëveshjes pas katër ditësh bisedime të ndërmjetësuara nga Katari dhe Egjipti për një armëpushim 40-ditor mes frikës se dhuna mund të përshkallëzohej gjatë muajit mysliman.
Izraeli ka thënë edhe më parë se qëllimi i tij është të shkatërrojë Hamasin dhe se çdo armëpushim duhet të jetë i përkohshëm dhe ka kërkuar gjithashtu një listë të pengjeve ende të gjallë dhe të mbajtur nga Hamasi në Gaza.
Sipas Hamasit përmbushja e kësaj kërkese izraelite është e pamundur pa një armëpushim, sepse robërit janë të shpërndarë në të gjithë zonën e luftës dhe sipas grupit militant ka raporte se një raund tjetër bisedimesh mund të mbahen javën e ardhshme.
Një zyrtarë i lartë i Hamasit ka bërë të ditur se Izraeli po refuzon kërkesat për t'i dhënë fund ofensivës së tij në enklavë, për të tërhequr forcat e tij dhe për të siguruar lirinë e hyrjes për ndihmë dhe kthimin e njerëzve të zhvendosur. Qeveria izraelite nuk dërgoi një delegacion në këto negociata të fundit, gjatë të cilave përfaqësues nga Hamasi, Katari dhe Egjipti u përpoqën këtë javë për të siguruar një armëpushim 40-ditor .
Ndërkaq mes gjendjes së vështirë dhe teksa kriza urisë është bërë akute në Gaza, Sekretari i Jashtëm David Cameron ka konfirmuar se Britania e Madhe do t'i bashkohet SHBA-së në hapjen e një 'korridori detar' për të ofruar ndihma në Gaza.
Gjithashtu edhe Presidentja e Komisionit Europian Ursula von der Leyen gjatë një vizite në Qipro Evropa po financon një përpjekje të madhe ndihme humanitare për palestinezët.
“Ne po e nisim këtë korridor detar së bashku me Qipron, Bashkimin Evropian, Emiratet e Bashkuara Arabe dhe Shtetet e Bashkuara. Ne jemi shumë afër hapjes së korridorit, shpresojmë këtë fundjavë. Korridori detar i Qipros synon të rrisë ndihmën duke plotësuar rrugët e tjera që përfshijnë pikën e rëndësishme të kalimit të Rafahut nga Egjipti dhe fluturimet ajrore nga Jordania. Është gjithashtu e qartë se ne jemi në pikën ku thjesht duhet të zhbllokojmë të gjitha rrugët e mundshme”, tha ajo.
Von der Leyen në Qipro, inspektoi objektet në portin e Larnaka, i cili është identifikuar si një pikë nisjeje për dërgesat e ndihmave nga deti në Rripin e Gazës. Në Nëntor, presidenti qipriot Nikos Christodoulides ofroi përdorimin e portit, i cili shtrihet 370 kilometra në veriperëndim të Gazës pasi Qiproja është shteti më i afërt i Bashkimit Evropian me rajonin. OKB-ja ka këmbëngulur se dërgesat nga deti nuk janë zëvendësim për dërgesat tokësore, të cilat mund të sjellin shumë më tepër ndihma më shpejt për njerëzit.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
