Պայմանագիրը գործարար հարաբերության 70% է։ Մնացածը կողմերի բարեխղճության հարցն է, բայց եթե նույնիսկ կողմերն անբարեխիղճ լինեն, լավ պայմանագիրը կկարգավորի առաջացած խնդիրները։
Պետք է հիշել, որ քաղաքացիաիրավական հարաբերությունները հիմնականում առաջանում և կարգավորվում են պայմանագրերով։ Ճիշտ է, օրենքը ևս մեծ դեր ունի այստեղ, բայց այս հարաբերությունները դիսպոզիտիվ են, այսինքն շատ հարցերի կարգավորում օրենքը թողնում է կողմերի հայեցողությանը, ինչը նշանակում է, որ լավ և ճիշտ գրված պայմանագրով կարելի է կարգավորել շատ հարցեր, որոնք հետագայում կարող է առաջանան և խնդրահարույց լինեն։
Պայմանագրերը կարող են կնքվել ինչպես գրավոր, այնպես էլ բանավոր։ Բանավոր կարող են կնքվել կնքման պահին կատարվող բոլոր գործարքները, օրենքով սահմանված բացառություններով։
Գրավոր են կնքվում 1) իրավաբանական անձանց` միմյանց միջև և քաղաքացիների հետ գործարքները.
2) քաղաքացիների միջև աշխատավարձի սահմանված նվազագույն չափի քսանապատիկ գումարը գերազանցող (20000 Դրամն է), իսկ օրենքով նախատեսված դեպքերում` անկախ գումարի չափից, գործարքները:
Մենք շատ հաճախ թերագրանահատում ենք գրավոր պայմանագիրը։ Մտածում ենք, որ եթե բանավոր պայմանավորվել ենք բավարար է։ Չէ որ խոսքի տեր ենք։ Իրականում, դեպքերի 80%-ում բանավոր պայմանավորվածությունները միշտ խախտվում են։ Սա նորմալ է, քանի որ հաճախ կողմերը իրար սխալ են հասկանում, մոռանում են, փոշմանում են կամ մտափոխվում են և քանի որ չկա գրավոր փաստաթուղթ, հնարավոր չի լինում ապացուցել, թե ինչ են պայմանավորվել։ Երբեք մի հավատացեք ազնիվ խոսքին։

свернуть