Այսօր՝ «Կիրակնօրյա վերլուծական» հաղորդման եթերում.
⠀
• Շաբաթվա սկզբին Հայաստան-Ադրբեջան սահմանին ադրբեջանական կողմը կրկին հարձակում էր ձեռնարկել ու կորուստներով նահանջել։

• Հաղորդման հյուրն է պաշտպանության նախկին նախարար Սեյրան Օհանյանը։

• Հայ-ադրբեջանական բախումները սահմանից տեղափոխվեցին Մոսկվա։ Մոսկվայից հաղորդում է մեր թղթակից Ազա Բաբայանը։

• «Ռուսաստանում ապրող հայերը չպետք է տրվեն ադրբեջանական կողմի սադրանքներին։ Ռուսաստանում ապրող ադրբեջանցիների կողմից ձեռնարկվող հակահայկական հարձակումները ոչ միայն Ադրբեջանի ղեկավարության հակահայկական հռետորաբանության արտահայտություն են, այլև Ռուսաստանն ապակայունացնելու, Ռուսաստանն ազգամիջյան բախումների թատերաբեմ դարձնելու փորձ»,- ռուսաստանյան ՌԲԿ հեռուստաալիքի հետ զրույցում հայտարարել է վարչապետ Փաշինյանը։

• Սահմանադրական դատարանի դատավորների թափուր պաշտոններում առաջադրումները սկսվել են։ Այս շաբաթ կառավարությունն առաջադրեց իրավաբանական գիտությունների դոկտոր, պրոֆեսոր Վահրամ Ավետիսյանի թեկնածությունը։ Մարտի 1-ի զոհերի իրավահաջորդներն ու մի շարք իրավապաշտպաններ դեմ են նրա թեկնածությանը։

• Խորհրդարանական երկրորդ ուժի՝ «Բարգավաճ Հայաստան»-ի շարքերը նոսրանում են։ Հնաբնակ պատգամավոր Սերգեյ Բագրատյանը խմբակցությունից դուրս գալու դիմում է գրել։

• Կորոնավիրուսի նոր դեպքերը համեմատաբար նվազել են: Ըստ վարչապետի՝ Հայաստանը կորոնավիրուսային ճգնաժամը հաղթահարելու փուլում է։

Կիրակնօրյա վերլուծականն այսօր՝ ժամը 20:00-ին, Հրայր Թամրազյանի հետ:
⠀
Դիտեք «Ազատություն» TV-ի եթերում՝ Ucom ցանցի 222 ալիքով, [ Ссылка ] հասցեով կամ մեր ֆեյսբուքյան և յութուբյան էջերով:

свернуть